TERAS GEMUNGGAL

Teras Gemunggal, bilang urang Sabah Lugu Barunggai atau Lugu Marunggai. Tau kamu pokok barunggai atau Marunggai?, yang buahnya panjang-panjang sedap dimakan bikin sayur tu daunnya macam daun kacang tanah tu kecil-kecil saja. Kalau masak lemak disapak ikan masin, Siti Nurhaliza limpas pun nda ku mau tinguk sadap ba... macam di KK.

Ada urang kasi up load yang dicanai bikin mata cincin ada yang hitam legam macam negro supaya nampak ori kono macam lugu, pada hal diurang randam dalam minyak hitam. Lugu ini aku ambil sendiri dari pokoknya jadi tataplah ba orijinal. Lepas itu, aku uji simpan bawa bantal, sebab maklumlah ba macam aku ni hampir tiap malam ditarai urang dikasi popol dan ilmu hitam. Yu...yu, kiriman sihir nda mau dakat macam jadi tawar. Butul-butul ini barang banyak gunanya.

Lepas tu kan, ada kawan tu dia pakai ilmu pelaris.Selain itu dia juga pakai ilmu pambanci waktu jualan di gerai. Bila pelanggan datang sama dia semua mau beli, tapi sama saingannya urang nda tinguk pun, macam nda paduli atau nda minat kana tutup nafsu diurang nda ditinguk macam tai saja. Jadi saingannya tu jumpa kadi aku mengadu masalahnya, akupun bikinkan ramuan beberapa kayu-kayuan termasuklah barang ani, aku tiup-tiup lah ba kasi baca-baca sama ramuan tu, aku bilang nah.. kau pakailah bawa jualan. Kamu tau kah? esoknya bila diurang jualan, pelanggan pun sanyum-sanyum tinguk diurang nda lagi nampak diurang macam tai saja.

Jadi, ini barang gunanya bikin tolak ilmu jahat dan kasi tawar ilmu hitam, kasi takut jin-jin jahat dan jin suruhan, bikin kebal dan tahan badan, pelindung zahir dan batin. Kalau urang ada papak atau susuk atau gimbaran dan susah mau mati,  inilah jadi barang bikin hapus ilmunya tu, mesti mati punya, kamu tarailah.