Sukang Racun tu adalah bahasa Sabah yang seerti dengan Penangkal Racun. Maksudnya benda ni adalah penawar dan pelibas racun. Racun akan jadi hilang powernya jika kita bawa atau selitkan kayu ni di badan kita. Orang Sabah yang ngerti selalu gunakan banda ni untuk belawan singgarung ( singgarung tu bahasa Dusun yang ertinya minum tapai atau minum arak hingga mabuk ). Diurang selitkan sikit dalam poket dan di celah-celah gigi baru pigi minum tapai. Diorang cakap dari pagi hingga pagi besoknya nda pandai mabuk kono, kancing-kancing saja macam ada hos dari calana.
Ada kawan tu dia gunakan untuk kasi minum air rendaman kayu ni sama urang muda yang mau bunuh diri dengan minum gromokson ( Racun rumput rumpai ) akibat putus cinta. Kamu taulah ba kalau minum gromokson tu, nda ada arapan lagi mau hidup doktor pun sarendah sudah. Waktu dia kana tahan di wad, si kawan kasi suri-suri kasi minum air kayu ni. Pagi ni minum, tangahari tu dia sudah buang kancing di tandas ospital sambil nyani-nyanyi lagu "Manasal Aku" dan "Aku Tanak Misikin Aiso Nunu-Nunu ". Hairan juga kawan tu siapa yang nyanyi kuat-kuat tu macam urang mabuk saja. Tau-tau kawannya si Jon.
Kamu mau kah...? murah saja ba RMnya sms saja barapa kau sanggup. Lepas tu kau testlah tapi janganlah ba minum rasun, minum montoko saja 20 botol cukup sudah tu.
tuan saya berminat rm20? boleh? hehehehe
BalasPadamMasih ada jual kaini tuan tanah?
BalasPadam